2026-jıl 19-mart kúni “Social-ekonomikalıq pánler metodikası” kafedrası baslıǵı, docent R. Bauetdinov tárepinen “Tariyx” úzliksiz qánigeligin arttırıw kursı tıńlawshıları ushın “Ilimiy-metodikalıq jumıslar” temasında ashıq sabaq ótkerildi. Bul ashıq sabaq tariyx pánin oqıtıwda ilimiy-metodikalıq jumıslardı shólkemlestiriw hám nátiyjeli alıp barıw máselelerine baǵıshlandı. Sabaq procesinde tıńlawshılarǵa temanıń teoriyalıq tiykarları, ámeliy áhmieti hám kúndelikli pedagogikalıq jumısta qollanıw imkaniyatları boyınsha tolıq maǵlıwmatlar berildi. Sabaq dawamında oqıtıwshı tárepinen temanıń áhmiyetliligi, tiykarģı túsinikleri hám áhmiyetli tárepleri izbe-izlikte kórsetip ótildi. Interaktiv metodlardan nátiyjeli paydalanıw arqalı tıńlawshılardıń belsendiligi hám erkin pikirlew kónlikpelerin rawajlandırıwǵa ayrıqsha itibar qaratıldı. Sonday-aq, zamanagóy málimleme-kommunikaciya texnologiyalarınan paydalanılǵan halda temaǵa baylanıslı kórgizbeli materiallar hám prezentaciyalar kórsetildi. Ashıq sabaq procesinde oqıtıwshı óziniń metodikalıq sheberligin kórsetip, aldıńǵı pedagogikalıq tájiriybeleri menen ortaqlastı. Bul ashıq sabaq ilimiy-metodikalıq jumıslardıń nátiyjeliligin arttırıw, pedagoglardıń kásiplik kompetenciyaların rawajlandırıw hám bilimlendiriw procesine innovaciyalıq kózqaraslardı keńnen engiziwde úlken áhmietke iye. 
“Ilimiy-metodikalıq jumıslar” temasında ashıq sabaq ótkerildi
Back To Top