Ózbekstan Respublikası Prezidentiniń 2026-jıl 15-yanvardaǵı “ Kitapqumarlıq mádeniyatın rawajlandırıw hám xalıq arasında kitap oqıwǵa qızıǵıwshılıqtı asırıw ilajları haqqında ”ǵı PQ-9-sanlı qararı hám Mektepke shekemgi hám mektep bilimlendiriwi ministrliginiń 2026-jıl 5-ma rt kúngi 89-sanlı buyrıǵın támiyinlew maqsetinde Social-ekonomika pánleri metodikası kafedrası oqıtıwshısı G. Ubbiniyazova tárepinen Moynaq rayonında respublika kitapxanashıları ushın arnawlı oqıw-seminarı shólkemlestirildi. Seminar dawamında mektep kitapxanaların modernizaciyalaw hám kitapqumarlıqtı jańa basqıshqa alıp shıǵıw boyınsha tómendegi áhmiyetli máseleler kórip shıǵıldı: Mektep hám mákemelerde “Kitap oqıw saatların” tastıyıqlanǵan reje tiykarında sapalı shólkemlestiriw; Barlıq paydalanıwshılar, sonday-aq alıs aymaqlardaǵı oqıwshılar ushın da kitap oqıwda teńdey imkaniyatlar jaratıw; Oqıwshılar hám pedagoglar arasında “Eń belsendi kitapqumar” tańlawların turaqlı túrde ótkeriw; Elektron kitapxana xızmetlerin rawajlandırıw hám olardan nátiyjeli paydalanıw metodikasın úyretiw; Klasslar hám bólimlerde mobil kitapxanalar, kóshpeli kitap kórgizbeleri hám zamanagóy “Kitap múyeshlerin” shólkemlestiriw. Seminar juwmaǵında qatnasıwshılar óz-ara tájiriybe almasıp, keleshekte ámelge asırılatuǵın wazıypalar boyınsha usınıslar islep shıqtı. 
Uqsas jańalıqlar
Kibermádeniyattı rawajlandırıw – áhmiyetli wazıypa
Qaraqalpaqstan Respublikası Pedagogikalıq sheberlik orayında háptelik ámeliy-oqıw seminarı ótkeriledi
