“Metodik zakovat” – bilim hám tájiriybe maydanı

 Qaraqalpaqstan Respublikası Pedagogikalıq sheberlik orayında metodikalıq xızmet kórsetiw bólimi metodistleri tárepinen tıńlawshılar arasında “Metodikalıq zakovat” intellektuallıq oyını shólkemlestirildi. Intellektuallıq bellesiwde mektepke shekemgi bilimlendiriw shólkemleri tıńlawshılarınan ibarat tómendegi komandalar belsene qatnastı: Ziyrek tárbiyashılar, Jas tárbiyashılar, Tárbiya tamırları, Aqıllı tárbiyashılar. Oyınnıń tiykarǵı maqseti tıńlawshılar arasında tájiriybe almasıw, olardıń intellektuallıq potencialın arttırıw hám jámáátte islesiw kónlikpelerin rawajlandırıwdan ibarat boldı. Oyın juwmaqlarına bola, joqarı dárejede shólkemlestirilgen bellesiw nátiyjesinde “Ziyrek tárbiyashılar” komandası eń joqarı nátiyjelerdi kórsetip, jeńimpaz dep tabıldı. Sonday-aq, jeńimpaz hám belsene qatnasqan komandalar oraydıń húrmet jarlıqları menen sıylıqlandı.