Ádebiyatımızdıń sarqılmas bulaqları

 2026-jıl 8-may kúni Qaraqalpaqstan Respublikası pedagogikalıq sheberlik orayında Ózbekstan Qaharmanları, Ózbekstan hám Qaraqalpaqstan Xalıq shayırı Ibrayım Yusupov hám Ózbekstan hám Qaraqalpaqstan Xalıq jazıwshısı Tólepbergen Qayıpbergenov tuwılǵan kúniniń 97 jıllıǵı múnásibeti menen “Ádebiyatımızdıń sarqılmas bulaqları” atamasında ádebiy-kompoziciyalıq keshe shólkemlestirildi. Ilajda oray direktorı Gúlistan Kójabaeva shıǵıp sóylep, Tólepbergen Qayıpbergenovtıń qaraqalpaq hám ózbek ádebiyatınıń rawajlanıwına qosqan úlesin, Ibrayım Yusupovtıń dóretiwshiliginde insanıylıq, jaqsılıq hám milliy qádiriyatlardıń joqarı dárejede jırlanǵanın ayrıqsha atap ótti. Atap ótilgenindey, I.Yusupov penen T.Qayıpbergenov qaraqalpaq poeziyası hám prozasındaǵı eń kórnekli tulǵalardan bolıp, óz dáwiri ádebiyatınıń bayteregi boldı. Olardıń shıǵarmaları tek qaraqalpaq xalqına belgili bolıp qalmastan, tuwısqan hám rus xalıqları tillerine awdarıldı. Ótkerilgen keshede shayır hám jazıwshınıń ómiri, dóretiwshiligine arnalǵan bayanatlar, shıǵarmalarınan kórkem oqıwlar, namalı qosıqlar hám saxnalıq kórinisler atqarıldı. Dóretiwshilerdiń shıǵarmaları mazmunınan alınǵan viktorina sorawları olardıń dóretpeleriniń mazmunın yadqa saldı. Keshe qatnasıwshılarda úlken tásirler qaldırdı.