1-iyun – Xalıqaralıq balalardı qorǵaw kúni múnásibeti menen Qaraqalpaqstan Respublikası Pedagogikalıq sheberlik orayında Mektepke shekemgi, baslawısh hám arnawlı tálim metodikaları kafedrası tárepinen “Baxıtlı balalıq” atamasında bayram ilajı shólkemlestirildi. Ilajda oray direktorınıń Akademiyalıq iskerlik boyınsha orınbasarı A.Qaypnazarov shıǵıp sóylep, jas áwladtı hár tárepleme qollap-quwatlaw, olarǵa sapalı tálim-tárbiya beriw máseleleriniń áhmiyetli ekenligi haqqında pikir bildirdi. Sonday-aq, ilaj dawamında tıńlawshılar tárepinen tayarlanǵan saxnalıq kórinisler kórsetilip, balalıqtıń pákligi, miyrim-shápáát, jaqsılıq hám adamgershilik ideyaları jırlandı.
