Qaraqalpaqstan Respublikası Pedagogikalıq sheberlik orayınıń Pánlerdi rawajlandırıw bólimi tárepinen informatika hám xabar texnologiyaları páni tıńlawshıları ushın “Jasalma intellektten nátiyjeli paydalanıw” temasinda binar sabaq shólkemlestirildi. 💻 Sabaqtan gózlengen maqset — bilimlendiriw procesinde jasalma intellekt texnologiyalarınan nátiyjeli paydalanıw, tıńlawshılardıń sanlı sawatlılıǵın arttırıw hám zamanagóy bilimlendiriw imkaniyatların keńeytiwden ibarat. Binar sabaq Qaraózek rayonındaǵı 26- hám 22-sanlı ulıwma bilim beriw mektepleriniń Microsoft Certified Educator xalıqaralıq sertifikatı iyeleri D.Matjanov hám E.Tleuov tárepinen alıp barıldı. Sabaq dawamında tıńlawshılar jasalma intellekt imkaniyatlarınan paydalanıw, sabaq mazmunın bayıtıw, oqıw materialların tayarlaw hám bilimlendiriw nátiyjeliligin arttırıwǵa qaratılǵan ámeliy tapsırmalardı orınladı. Sonday-aq, trenerler óz tájiriybeleri menen bólisip, zamanagóy sanlı texnologiyalardı bilimlendiriw procesine engiziwdiń nátiyjeli usılların kórsetti.
