Bilimlendiriw tarawına zamanagóy texnologiyalardı engiziw, pedagoglardıń sanlı kompetenciyaların rawajlandırıw hám aldınǵı sırt el tájiriybelerin en jaydırıw baǵdarındaǵı jumıslar izbe-iz dawam etpekte. Usı jıldıń 6-8-oktyabr kúnleri Tálimdi rawajlandırıw respublikalıq ilimiy-metodikalıq orayı hám AQShtıń Jorjtaun universiteti menen birgelikte “Bilimlendiriw procesinde generativ jasalma intellektten paydalanıw hám onlayn kurslardı islep shıǵıw” atamasında xalıqaralıq oqıw-ámeliy seminar ótkerilgen edi. Qaraqalpaqstan Respublikası Pedagogikalıq sheberlik orayında xalıqaralıq seminar qatnasıwshıları – Metodikalıq xızmet kórsetiw bólimi metodistleri Zayfuna Bagdiryarova hám Gulsanam Pirjanovalar tárepinen metodistler ushın ámeliy seminar ótkerildi. Seminar dawamında generativ jasalma intellekt qurallarınan bilimlendiriw procesinde nátiyjeli paydalanıw, zamanagóy sanlı sheshimlerdi ámeliyatqa engiziw hám sapalı onlayn bilimlendiriw resursların islep shıǵıw máselelerine ayrıqsha itibar qaratıldı. Sonday-aq, qatnasıwshılar bul baǵdarlarda ámeliy kónlikpelerin rawajlandırıwǵa qaratılǵan tájiriybe hám usınıslar menen bólisti. 
XALÍQARALÍQ SEMINARDA ÓZLESTIRILGEN ALDIŃǴÍ TÁJIRIYBELER METODISTLERGE JETKERILMEKTE
Back To Top