Qaraqalpaqstan Respublikası Pedagogikalıq sheberlik orayında oktyabr ayında shólkemlestirilgen 100 saatlıq qánigelik arttırıw kursları tabıslı juwmaqlandı. Juwmaqlawshı bahalaw proceslerinde oray direktorı Gulistan Kojabaeva qatnasıp, pedagoglardıń kásiplik potencialın arttırıw, aldıńǵı tájiriybelerdi en jaydırıw hám zamanagóy bilimlendiriw kózqarasların ámeliyatqa engiziw arqalı bilimlendiriwdiń sapasın arttırıw áhmiyetli ekenligin atap ótti. Qánigelik arttırıw kursları dawamında tıńlawshılar zamanagóy bilimlendiriw metodları, innovaciyalıq qatnaslar hám aldınǵı pedagogikalıq texnologiyalar boyınsha bilim hám kónlikpelerin bekkemledi.Kurslardıń juwmaqlawshı basqıshında tıńlawshılar test sınaqlarınan ótti, joybar jumısların qorǵadı hám mikrodars prezentaciyaların kórsetti. Bahalaw procesinde pedagoglardıń teoriyalıq bilimleri hám ámeliy kónlikpeleri kompleksli túrde bahalandı. 
Kásiplik sheberlikke qaray jańa qádem: 100 saatliq kurslar juwmaqlandi
Back To Top