Qaraqalpaqstan Respublikası pedagoglardı jańa metodikalarǵa úyretiw milliy orayında «Pedagogika, psixologiya hám tálim texnologiyaları metodikası» kafedrası tárepinen «Inklyuziv tálimdi rawajlandırıw jolları» atamasında seminar shólkemlestirildi.
Seminarǵa Pedagogikalıq oraydıń professor-oqıtıwshıları hám tıńlawshılar qatnastı.
Inklyuziv tálimniń maqseti- jeke tártipte bilim alıwǵa zárúrligi bolǵan oqıwshılar ushın mektepte arnawlı qural hám metodikalardı qollaw arqalı arnawlı pedagoglardı qamtıǵan halda tosıqsız maslastırılǵan tálim ortalıǵın jaratıw, olardıń jámiyetke nátiyjeli maslasıwı hám de tolıq uyǵınlasıwına xızmet etetuǵın sıpatlı ulıwma orta bilim beriwden ibarat.
Ilajda Nókis qalası 27-sanlı ulıwma orta bilim beriw mektebiniń defektolog hám logoped oqıtıwshısı Feruza Adenbaeva, «Mektepte baslawısh korrekcion klassta inklyuziv tálimniń alıp barılıwı jaǵday», 25-sanlı ulıwma orta bilim beriw mekteptiń psixologı Feruza Babadjanova «Inklyuziv hám korrekcion tálim ámelde», Pedagogikalıq oraydıń «Pedagogika, psixologiya hám tálim texnologiyaları metodikası» kafedrası aǵa oqıtıwshısı, Aygúl Berdimuratova «Inklyuziv tálimdi rawajlandırıw jolları», Qádir Qlichev «Imkaniyatı sheklengen balalardı oqıw procesine tartıwǵa tiyisli huqıyqıy-normativ hújjetler» degen temalarda bayanat jasadı.
-Házirgi waqıtta bul oqıwshılar mektepke tolıq maslasıp, ata-analar alǵısın alıp atırmız-deydi 27-sanlı ulıwma orta bilim beriw mektebiniń defektolog hám logopedi Feruza Adenbaeva.
