«Bir hárip úyretkenge qırq jıl sálem»-deydi dana xalqımız. Sebebi, hár bir adamnıń kámil insan bolıp jetilisiwinde ustazlardıń ornı ayrıqsha bolǵanlıǵı ushın da, barlıq ellerde hám barlıq xalıqlarda da hár bir insan óz ustazın atasınday sıylap, húrmet kórsetedi. Ustazlarǵa itibar hám ǵamxorlıq kórsetiw jámiyetimizdiń ózine tán joqarı mánawiyat belgisi bolıp esaplanadı.
Búgin Qaraqalpaqstan Respublikası Pedagogikalıq sheberlik orayında 1-oktyabr «Muǵallimler hám ustazlar» bayramı múnásibeti menen “ «Social-ekonomikalık pánler metodikası» hám «Pedagogika, psixologiya hám tálim texnologiyaları» kafedraları tárepinen tıńlawshılarǵa “Ustazlıq – ullı kásip” temasında psixolgiyalıq seminar-trening ótkerildi.
