Pedagogikalıq sheberlik orayında media tur shólkemlestirildi

#LIVE
 Qaraqalpaqstan Respublikası sheberlik orayınıń iskerligi,  úzliksiz kásiplik rawajlandırıw kurslarınıń shólkemlestiriliwi, professor-oqıtıwshılar tárepinen sabaq barısında qollanıp atırǵan zamanagóy innovaciyalıq texnologiyalar, tıńlawshılarǵa jaratılǵan shárayatlar menen ǵalaba xabar quralları wákillerin tanıstırıw  maqsetinde media tur shólkemlestirildi. Oǵan  respublikamızda jumıs alıp barıp atırǵan oraylıq hám jergilikli ǴXQ wákilleri qatnastı. Media turda ǵalaba xabar quralları wákilleri Akademiyalıq iskerlikti muwapıqlastırıw  bóliminiń jumısları menen tanıstı. Media turda ǵalaba xabar quralları wákillerinin «Tillerdi oqıtıw metodikası» kafedrasınıń docenti Bayrambay Turımbetov XXI ásir kónlikpeleri menen kompetenciyaların rawajlandırıw, oqıtıwda «4 K» hám «5 Е» modelleri, STEM jantasıw, sabaqlarda kreativlik hám kritikaliq pikirlewdi rawajlandırıwshı metodlardı paydalanıw usılları menen   tanıstırdı.   STEAM  laboratoriyasındaǵı imkaniyatlar menen tanıstı ☄️Media-tur sheńberinde qatnasıwshılar zamanagóy virtual reallıq (VR) texnologiyası tiykarında jaratılǵan oqıw processleri menen de tanıstı. Virtual kóz áynekler járdeminde tıńlawshılarǵa real turmısqa jaqınlastırılǵan interaktiv bilimlendiriw ortalıǵı usınılmaqta. Bul texnologiya arqalı oqıwshılar:quramalı processlerdi vizual túrde túsiniwge, ámeliy kónlikpelerdi qáwipsiz ortalıqta qáliplestiriwge, pánlerge bolǵan qızıǵıwshılıǵın arttırıwǵa erispekte. Atap aytqanda, STEAM (ilim, texnologiya, injenerlik, kórkem óner hám matematika) baǵdarındaǵı sabaqlarda virtual kózáynekler oqıwshılardıń bilimin bekkemlewde nátiyjeli qural bolıp xızmet etpekte. Bul texnologiya muǵallimler ushın da jańa imkaniyatlardı ashıp beredi – olar óz sabaqların jáne de janlı, qızıqlı hám túsinikli etip alıp barıwı múmkin. Mobil qánigelik arttırıw xızmetleri negizinde shólkemlestirilgen avtobus penen tanıstırıldı Ózbekstan Respublikası Prezidentiniń 2024-jıl 30-sentyabrdegi tiyisli pármanına tiykarlanıp usı jıldıń 1-martınan baslap tájiriybe-sınaw tárizinde respublikanıń alıs hám shetki aymaqlarında jaylasqan mektepke shekemgi bilimlendiriw shólkemlerindegi pedagog kadrlar ushın mobil qánigelik arttırıw xızmetlerin engiziw belgilengen edi. Avtobuslar bir waqıttıń ózinde 14 pedagogqa sabaq ótiw ushın oqıw orınları, 10 NR markalı noutbuk, 1 dana 65 dyuymlı interaktiv monitor, jazıw doskası, 1 internet tarqatıwshı qurılma WI FI router menen qayta úskenelengen. Bul avtobustan uzaq hám shetki aymaqlarda jasaytuǵın mámleketlik hám jeke menshik mektepke shekemgi bilimlendiriw shólkemleriniń pedagog kadrları ushın mobil qánigelik arttırıw xızmetlerin kórsetiw, yaǵnıy úzliksiz kásiplik rawajlandırıw (“metodikalıq sheberlik kúni” hám “metodikalıq sheberlik sabaǵı”) ilajların tiyisli aymaqlarǵa barǵan halda ótkeriw, trening, seminar hám basqa da ilajlardı shólkemlestiriw maqsetinde paydalanıladı. Pedagoglarǵa ózleri jasaytuǵın hám jumıs isleytuǵın orınlarınan uzaqlaspaǵan halda úzliksiz kásiplik rawajlanıwı, bilimlerin jańalap barıwı arqalı mektepke shekemgi bilimlendiriwdiń sapasın arttırıw imkaniyatları jaratıladı. Avtobuslar treningler, seminarlar hám ámeliy sabaqlardı ótkeriw ushın barlıq zárúr úskeneler menen tolıq támiyinlengen.