Avloniy atındaǵı pedagogikalıq sheberlik milliy institutında 2025-2026-oqıw jılı ushın 9-11-sentyabr kúnleri “Kásiplik rawajlanıw kúni” hám “Kásiplik rawajlanıw saatı” ilajları sheńberinde 11 pán baǵdarı boyınsha master-trenerler ushın treningler ótkerilmekte.
Bul processte Qaraqalpaqstan Respublikası Pedagogikalıq sheberlik orayı Metodikalıq xızmet kórsetiw bóliminen 11 metodist qatnaspaqta.
“Kásiplik rawajlanıw kúni” hám “Kásiplik rawajlanıw saatı” ilajları sheńberinde master-trenerler ushın ótkerilip atırǵan trening tómendegi temalarda dawam etpekte:
Oqıw nátiyjelerin jaqsılawǵa qaratılǵan nátiyjeli bahalaw. Feedback beriw mádeniyatı; Joybarǵa tiykarlangan bilimlendiriwdi shólkemlestiriw texnologiyaları; Jeke hám kásiplik rawajlanıw maqset hám nátiyjeleri; Oqıwshılar abadanlıǵı baǵdarlaması. Bala qáwipsizligi túsinigi hám normaları menen tanıstırıw.
