2025-jıl 4-oktyabr kúni mámleketimiz boylap baslawısh klass muǵallimleri ushın “Kásiplik rawajlanıw kúni” ilajlarına start berildi. Qaraqalpaqstan Respublikasında bul processke 19 tayanısh mektep, 30 mentor hám 734 jetekshi muǵallim tartıldı.
Ilaj sheńberinde tómendegi temalarda bayanatlar hám dodalawlar shólkemlestirildi: Jeke hám kásiplik rawajlanıwdıń maqset hám nátiyjeleri; Baslawısh klass oqıwshılarınıń oqıw sawatlılıǵın bahalaw xalıqaralıq baǵdarlaması hám de PIRLS-2021 izertlew nátiyjeleri; Ózbekstannıń PIRLS-2026 xalıqaralıq bahalaw izertlewinde qatnasıwı hám de oqıw sawatlılıǵı boyınsha bahalaw kriteriyaları. Bul ilajlar oqıtıwshılardıń kásiplik potencialın arttırıw, aldınǵı tájiriybelerdi ámeliyatqa engiziw hám oqıwshılardıń oqıw sawatlılıǵın rawajlandırıwǵa xızmet etedi.
