Men kewlim menen hesh qashan jalǵan sóylemeymen…

Búgin 16-oktyabr kúni Pedagogikalıq sheberlik orayında ullı rus shayırı Sergey Aleksandrovich Esenin tuwılǵan kúniniń 130 jıllıǵına baǵıshlanǵan jarqın hám tolqınlandırıwshı ilaj bolıp ótti. Bayram “Men kewlim menen hesh qashan jalǵan sóylemeymen…” degen simvolikalıq atama astında ótti. Ilajdıń shólkemlestiriwshileri hám belsendi qatnasıwshıları “Rus tili hám ádebiyatı” toparı qánigeligin arttırıw kurslarınıń tıńlawshıları bolıp, olar mazmunlı ádebiy-dóretiwshilik baǵdarlama tayarladı. Ilaj kiris sóz benen baslanıp, onda Yesenin poeziyasınıń ruwxıy-ádep-ikramlılıq qádiriyatlardı qáliplestiriwdegi úlken ornı atap ótildi. Qatnasıwshılar shayırdıń ómir hám dóretiwshilik jolınıń tiykarǵı basqıshların eske aldı, onıń ana tábiyatına, ápiwayı adamǵa, tuwǵan Rus eline bolǵan muhabbatın atap ótti. Ilaj dawamında S.Esenin qosıqları tıńlawshılar tárepinen mánisli atqarılıwında, onıń qosıqlarına jazılǵan muzıkalıq kompoziciyalar atqarıldı, sonday-aq, shayırdıń ómirbayanı hám dóretiwshiligi boyınsha bilimlerin sınaqtan ótkeriw imkaniyatın bergen ádebiy viktorina ótkerildi. Keshe dawamında jıllılıq, ilham hám sózge shın kewilden mehir ortalıǵı húkim súrdi. Ásirese, ádebiy keshe miymanı – “Qara adam” poemasın oqıp bergen Ábdirov A.nıń shıǵıp sóylegenin ayrıqsha atap ótpekshimen. Onıń tereń hám tolqınlandırıwshı atqarıwı tıńlawshılardıń qızǵın pikirin oyatıp, baǵdarlamanıń eń kúshli hám este qalarlıq waqıyalarınan birine aylandı. Ilaj sońında barlıq qatnasıwshılarǵa minnetdarshılıq bildirilip, házirgi kúnde de dúnyanıń gózzallıǵın kóriwge, ózi hám ózgeler aldında haqıyqatlı bolıwǵa, ómir hám tuwılǵan jerdi súyiwge úyretip atırǵan Yesenin poeziyasına qızıǵıwshılıqtı saqlap qalıw tilekleri bildirildi. Ilaj poeziya, estelik hám ilham bayramına aylanıp, Sergey Esenin poeziyası barlıq áwladlar qálbinde jasap kiyatırǵanın tastıyıqladı.