Qaraqalpaqstan Respublikası Pedagogikalıq sheberlik orayında Metodikalıq xızmet kórsetiw bólimi metodistleri ushın “Sanlı pedagogika: oqıtıw hám bahalawdıń jańa usılları” atamasında ámeliy seminar shólkemlestirildi.
Seminardı “Aniq hám tábiyiy pánler metodikası” kafedrasınıń aǵa oqıtıwshısı Dilfuza Qutlımuratova alıp bardı.
Ilaj dawamında qatnasıwshılarǵa jasalma intellekt texnologiyalarınıń bilimlendiriw tarawında qollanılıwı, sabaq nátiyjeliligin arttırıwǵa xızmet etetuǵın aqıllı sheshimler hám innovaciyalıq metodlardan paydalanıw imkaniyatları haqqında tolıq maǵlıwmatlar berildi.
