“Metodikalıq xızmet kórsetiw” bólimi tárepinen metodikalıq tur ótkerildi

Qaraqalpaqstan Respublikası Pedagogikalıq sheberlik orayınıń “Metodikalıq xızmet kórsetiw” bólimi metodistleri tárepinen Beruniy rayonı 4, 12 hám 14-sanlı ulıwma orta bilim beriw mekteplerinde metodikalıq tur shólkemlestirildi. Metodikalıq turdiń tiykarǵı maqseti – bilimlendiriw sapası tómen bolǵan mekteplerde oqıtıw procesin talqılaw, bar mashqalalardı anıqlaw hám olardıń jumısın bilimlendiriw sapası joqarı bolǵan mektepler dárejesine jetkeriwden ibarat. Ilaj dawamında metodistler oqıtıwshılardıń sabaqların baqlap, talqıladı hám “Nátiyjeli sabaqtı rejelestiriw” temasında sheberlik sabaǵın ótkerdi. Onda kreativ pikirlewdi rawajlandırıwshı metodlardı ámeliyatta qollanıw boyınsha usınıslar berildi. Sonday-aq, pedagoglardıń qızıqtırǵan sorawlarına tolıq juwaplar berilip, olarǵa zárúr metodikalıq járdem kórsetildi.