Qaraqalpaqstan Respublikası Pedagogikalıq sheberlik orayında bilimlendiriwdiń sapasın arttırıw, aldınǵı sırt el tájiriybelerin oqıw procesine engiziw maqsetinde xalıqaralıq qánige Albert De La Peña qatnasıwında tájiriybe arttırıw treningi bolıp ótti. Trening “Qızıqlı klass oyını arqalı dinamikalıq sabaqlardı shólkemlestiriw” temasına baǵıshlandı. Trening dawamında qatnasıwshılar bir qatar interaktiv bilim beriw oyınların úyrendi hám olardı ámeliyatta sınaqtan ótkeriw imkaniyatına iye boldı. Shınıǵıw dawamında tómendegi tárepler áhmiyetli ekenligi atap ótildi: Motivaciya hám tartıw – oqıwshılardıń sabaqta qatnasıwın arttırıw, pánge qızıǵıwshılıǵın xoshametlew; Aktiv bilim alıwdı xoshametlew – oqıwshılardı passiv tıńlawshıdan aktiv qatnasıwshıǵa aylandırıw; Tezlestiriwshi formativ bahalaw – bilim hám kónlikpelerdi qızıqlı hám nátiyjeli tárizde bahalaw imkaniyatları. Trening pedagoglarǵa sabaqlardı jáne de qızıqlı, interaktiv hám nátiyjeli shólkemlestiriw boyınsha jańa ámeliy kónlikpeler hám innovaciyalıq qatnaslardı usındı. 
Sabaqlarda Gamifikaciya: Xalıqaralıq qánige qatnasıwında Trening ótkerildi
Back To Top