Búgin A.Avloniy atındaǵı institutta Respublikalıq ulıwma bilim beriw mektepleriniń 4-klass oqıwshıları arasında ótkerilgen “Oqıw sawatlıları” tańlawınıń jeńimpazların sıylıqlaw ilajı ótkerildi.
Mektepke shekemgi hám mektep bilimlendiriwi ministrligi, A.Avloniy atındaǵı institut tárepinen Túrkiya Birge islesiw hám muwapıqlastırıw agentliginiń (TİKA) Ózbekstandaǵı wákilxanası menen birgelikte ótkerilgen bul tańlawda Respublika boyınsha 164 mektepten 18 mıńǵa shamalas 4-klass oqıwshıları qatnastı.
Tańlaw juwmaqlarına bola, hár bir aymaqtan eń joqarı nátiyjeni kórsetken 3 oqıwshı saylap alınıp, Respublika boyınsha jámi 42 jeńimpaz anıqlandı.
Ilajda jeńimpazlar diplom, noutbuk, planshet hám statuetkalar menen sıylıqlandı. Sonday-aq, jeńimpazlardıń ata-analarına minnetdarshılıq xatları tapsırıldı.
Maǵlıwmat ushın: Tańlawdı shólkemlestiriwde baslawısh tálim basqıshında oqıwshılardıń oqıw sawatlılıǵın xalıqaralıq kriteriyalar tiykarında rawajlandırıw, olardıń tekst penen islesiw kompetenciyaların bahalaw tiykarǵı áhmietke ie boldı. Bul tárepler xalıqaralıq bahalaw baǵdarlamalarında, atap aytqanda, PIRLS izertlewinde qollanılatuǵın metodologiyalıq principler menen únles jolǵa qoyıldı.
