Qaraqalpaqstan Respublikası Pedagogikalıq sheberlik orayınıń «Social-ekonomikalıq pánler metodikası» kafedrası aǵa oqıtıwshısı N.Tileumuratova tárepinen «Tárbiya: úzliksiz kásiplik rawajlanıw» kursıda «Tárbiya pánin oqıtıwda affektiv kónlikpelerdi rawajlandırıw» temasında ashıq sabaq shólkemlestirildi. Ashıq sabaqtıń tiykarǵı maqseti: Tárbiya pánin oqıtıw processinde affektiv kónlikpelerdi rawajlandırıwǵa baylanıslı zamanagóy usıllar menen tıńlawshılardı tanıstırıw hám bul baǵdarda metodikalıq járdem kórsetiwden ibarat boldı. Sabaq dawamında: oqıtıwshılar menen interaktiv shınıǵıwlar ótkerildi; bilim beriw processinde oqıwshılardıń emocional jaǵdayın anıqlaw hám onı nátiyjeli basqarıw usılları talqılandı; Tárbiya pánin oqıtıwda jańa metodikalıq usıllar hám ámeliy usınıslar berildi.
