Abdulla Avloniy atındaǵı pedagogikalıq sheberlik milliy institutında “Tálimde úzliksiz kásiplik rawajlanıwdıń aktual mashqalaları, sheshimleri hám perspektivaları” forumı sheńberinde xalıqaralıq ilimiy-ámeliy konferenciya bolıp ótti. ️Konferenciyanıń ashılıw máresiminde Mektepke shekemgi hám mektep bilimlendiriwi ministriniń birinshi orınbasarı Sherzod Karimov, YUNESKOnıń Ózbekstandaǵı wákilxanasınıń basshısı Sara Noshadi, YUNISEFtiń Ózbekstandaǵı bilimlendiriw boyınsha basshısı Alberto Biancoli hám basqa da bir qatar sırt elli birge islesiwshi shólkemlerdiń wákilleri qatnastı.
Ilajda basshı hám pedagog kadrlardı úzliksiz kásiplik rawajlandırıw baǵdarında alıp barılıp atırǵan birge islesiw jumıslarına ayrıqsha toqtap ótildi. Ilajdıń saltanatlı sıylıqlaw máresiminde ministr E’zoza Karimova qatnasıp, sistemada alıp barılıp atırǵan reformalar hám keleshektegi wazıypalar haqqında aytıp ótti.
Sonday-aq, “Kásiplik rawajlanıw kúni” hám “Kásiplik rawajlanıw saatı” ilajlarında belsene qatnasıp, nátiyjeli jumıs alıp barǵan bir topar pedagoglar “Xalıq bilimlendiriw aǵlası” hám “Xalıq bilimlendiriw pidayısı” kókirek belgileri menen sıylıqlandı hám bir qatar belsendi pedagoglarǵa minnetdarshılıq xatları tapsırıldı. Usı kúni, ilaj sheńberinde basshı hám pedagoglardı úzliksiz kásiplik rawajlandırıw sistemasında ámelge asırılǵan jumıslar, islep shıǵılǵan oqıw ádebiyatları kórgizbesi kórsetildi. 
