Úsh kún dawam etken trening dawamında qatnasıwshılar ıqlım ózgeriwi menen baylanıslı ilimiy bilimler, bul temanı pánlerge integraciyalaw jolları hámde zamanagóy oqıtıw metodikaları menen jaqınnan tanıstı. Sabaqlarda jańalanǵan oqıw resurslarınan, sonıń ishinde, ” Íqlım qutıshası”nan nátiyjeli paydalanıw, oqıwshılardı real turmıslıq mashqalalarǵa sheshim tabıwǵa, joybarǵa tiykarlanǵan bilimlendiriw (PBL) hám dizayn pikirlew sıyaqlı innovaciyalıq qatnaslarǵa ayrıqsha itibar qaratıldı. Usı baǵdarlama sheńberinde tayarlanǵan master-trenerler keyin ala óz aymaqlarında biologiya, geografiya, fizika, ximiya hám matematika pánleri muǵallimleri ushın treningler shólkemlestirip, Íqlım bilimlendiriwin keńnen engiziwge úles qosadı.
