Qaraqalpaqstan Respublikası Pedagogikalıq sheberlik orayınıń metodistleri Z. Bagdiyarova hám T. Mambetova tárepinen ulıwma bilim beriw mektepleriniń oqıtıwshıları ushın gezektegi onlayn vebinar shólkemlestirildi. Vebinar dawamında bilimlendiriwdiń sıpatın arttırıw, pedagogikalıq sheberlikti rawajlandırıw, zamanagóy bilimlendiriw metodlarınan nátiyjeli paydalanıw hám oqıwshılarda sın kózqarastan pikirlew kónlikpelerin qáliplestiriw máseleleri dodalandı. “Pándi oqitiwda áhmiyetli sorawlar arqalı túsiniwdiń 6 tárepi” temasında oqıwshılardıń temanı tereń túsiniwine erisiw, sorawlar arqalı talqılaw, óz betinshe pikirlew hám juwmaq shigarıw kónlikpelerin rawajlandırıw usılları kórsetip ótildi. “Pándi úyreniwde ilimiy izertlew metodlarınan paydalanıw” temasında sabaq procesinde ilimiy-izertlew metodları, izleniw, baqlaw hám analizlew qatnaslarınan paydalanıw boyınsha usınıslar berildi. Sonday-aq, qatnasıwshılarǵa zamanagóy pedagogikalıq texnologiyalar, innovaciyalıq metodlar hám interaktiv qatnaslar boyınsha ámeliy usınıslar berildi. 
Uqsas jańalıqlar
“Ustazlar milliy forumı – 2026” sheńberinde tiykarǵı wazıypalar belgilenbekte
“Sıpatlı bilimlendiriw – Jańa Ózbekstan rawajlanıwınıń bekkem tiykarı” súreni astında V “Ustazlar milliy forumı” dawam etpekte.
