Qaraqalpaqstan Respublikası Pedagogikalıq sheberlik orayında “Repressiya qurbanların eslew arqalı jas áwladtı watansúyiwshilik ruwxında tárbiyalaw” atamasında ruwxıy-aǵartıwshılıq ilaj ótkerildi. Onda Qaraqalpaqstan Respublikası Pedagogikalıq sheberlik orayı direktorı G.Kojabaeva, Ózbekstan kásiplik awqamları Federaciyası Qaraqalpaqstan Keńesi apparatınıń Mádeniy-aǵartıwshılıq hám sport jumısları bólimi mengeriwshisi G.Tlepov, Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi baslıǵı M.Dawılbaev, oraydıń professor-oqıtıwshıları hám kurs tıńlawshıları qatnastı. Ilajda repressiya dáwiri hám onıń ayanıshlı aqıbetleri, usı dáwirde repressiyaǵa ushıraǵan watanlaslarımızdıń ómiri hám jumısları haqqında bayanatlar tıńlandı. Sonday-aq, repressiya jıllarında xalıq, Watan hám ádillik jolında pidayılıq kórsetken watanlaslarımızdıń esteligine baǵıshlanǵan saxnalıq kórinisler qoyıp berildi. Ilajda tariyxıy estelikti qásterlep saqlaw, jas áwlad qálbinde milliy maqtanısh hám watansúyiwshilik sezimlerin qáliplestiriw sonday-aq olardı Watanǵa sadıqlıq ruwxında tárbiyalawda ruwxıy-aǵartıwshılıq ilajlardıń áhmiyeti ayrıqsha atap ótildi.
