Qaraqalpaqstan Respublikası Pedagogikalıq sheberlik orayı hám Qazaqstan Respublikasındaǵı Shımkent universiteti janındaǵı “Pedagogika hám psixologiya” ilimiy-izertlew institutı arasında bilimlendiriw, ilimiy-izertlew jumısı hám pedagog kadrlardıń kásiplik rawajlanıwı tarawlarında birge islesiwdi bekkemlewge qaratılǵan memorandumǵa qol qoyıldı. Bul memorandumnıń tiykarǵı maqseti pedagog kadrlardıń kásiplik sheberligin arttırıw, bilimlendiriwdiń sapasın bunnan bılay da arttırıw, aldınǵı xalıqaralıq tájiriybelerdi úyreniw hám zamanagóy pedagogikalıq texnologiyalardı bilimlendiriw procesine keńnen engiziwden ibarat. Birge islesiw sheńberinde pedagog kadrlardıń mamanlıǵın arttırıw hám kásiplik rawajlanıwın qollap-quwatlaw, ilimiy-ámeliy seminarlar, akademiyalıq ushırasıwlar hám birgeliktegi ilajlardı shólkemlestiriw, ilimiy basılımlar hám aldınǵı tájiriybeler almasıwın jolǵa qoyıw, qısqa múddetli akademiyalıq baǵdarlamalardı ámelge asırıw, sonday-aq, ilimiy-izertlew jumısın rawajlandırıw hám xalıqaralıq ilimiy-pedagogikalıq baylanıslardı bekkemlew názerde tutılǵan.
