Qaraqalpaqstan Respublikası Nókis qalasında inklyuziv bilimlendiriw boyınsha aldıńǵı kásiplik rawajlanıw baǵdarlamasınıń 2-moduli sheńberinde eki kúnlik oqıw-seminarı bolıp ótti. Bul seminarǵa Qaraqalpaqstan Respublikası Pedagogikalıq sheberlik orayınıń professor-oqıtıwshıları, Xorezm wálayatı Pedagogikalıq sheberlik orayınıń wákilleri, sonday-aq, Xorezm wálayatındaǵı 5-sanlı hám Qaraqalpaqstan Respublikasındaǵı 34-sanlı mektep pedagogları hám “Mehirli mektep” wákilleri qatnastı. Seminardıń tiykarǵı maqseti inklyuziv bilimlendiriwdi nátiyjeli shólkemlestiriw, pedagoglardıń kásiplik kompetenciyaların rawajlandırıw hámde hár bir balanıń individual imkaniyatları hám bilimlendiriw mútájliklerin esapqa alǵan halda bilimlendiriw procesin jetilistiriwden ibarat boldı. Seminar dawamında qatnasıwshılar inklyuziv bilimlendiriwge baylanıslı zamanagóy pedagogikalıq kózqaraslar menen tanıstı, aldıńǵı tájiriybeler almasıldı hám olardı ámeliyatqa engiziw máselelerin dodaladı. 
INKLYUZIV TÁLIM: ALDIŃǴÍ TÁJIRIYBE HÁM JAŃA IMKANIYATLAR
Back To Top