Pedagogikalıq oraydıń «Mektepke shekemgi, baslawısh hám arnawlı tálim metodikaları» kafedrası aǵa oqıtıwshısı Ziywar Tajekbaevanıń Baslawısh tálim oqıtıwshılarınıń úzliksiz kásiplik rawajlandırıw kursında «Baslawısh tálim tábiyiy pánniń milliy oqıw baǵdarlamaları, sabaqlıq hám oqıw qollanbaları, olardıń analizi» temasında ashıq sabaǵı bolıp ótti.
Sabaqtıń maqseti tıńlawshılarǵa pedagogikalıq texnologiyalardıń áhmiyetin túsindiriw, interaktiv metodlar tiykarında sabaqlardı shólkemlestiriw boyınsha kórsetpeler beriw, sabaq waqtında tema mazmunına sáykes metoddı tańlawdan ibarat.
Ashıq sabaqta tıńlawshılardıń pedagogikalıq texnologiyalardıń bilimlendiriwdiń sapasın arttırıwdaǵı áhmiyeti, ornı haqqındaǵı túsinikleri jańalandı hám bilimleri tereńlestirildi.
