Usı jıldıń 19-iyun sánesinen 9-iyul aralıǵında Xalıqaralıq Amerika Keńesiniń (American Councils) Ózbekstandaǵı filialı tárepinen ESN ESET dástúri sheńberinde respublikamızdaǵı ulıwma orta bilim beriw mekteplerindegi jámi 52 shet tili páni oqıtıwshıların qamtıǵan halda Nókis qalasındaǵı 1-sanlı mektepte seminar-treningler ótkerilmekte.
Seminar-treningte shet el qánigeleri menen birgelikte Pedagogikalıq oraydıń aǵa oqıtıwshısı Kamal Qurbanbaev tárepinen oqıtıwshılar General English, Classroom language hám Methods Development modulleri boyınsha inglis tilin tıńlap, túsiniw hám sóylew kónlikpesin rawajlandırmaqta.
Trening dawamında qatnasıwshılar tájiriybeli trenerlerdiń basshılıǵında oqıtıwdıń interaktiv metodları boyınsha maǵlıwmatlarǵa iye bolmaqta.
Seminar-trening óz-ara pikir almasıwlar, soraw-juwaplar menen dawam etpekte.
