Rossiyalı qánige xızmet saparı menen pedagogikalıq orayǵa keldi. Ózbekstan Respublikası Prezidenti Sh.Mirziyoev basshılıǵında 2020-jılı 17-avgust kúni videoselektor májilisinde «2020-2030-jıllarda Ózbekstan Respublikası mekteplerde rus tili páni hám ulıwma bilim beriw pánlerin rus tilinde oqıtıwdıń sapasın arttırıwǵa qaratılǵan-«ZOR» («KLASS»)» joybarı ámelge asırılmaqta. Joybar sheńberinde hár jılı 200 den aslam rossiyalı qánigeler (oqıtıwshı hám metodistler) mámleketimizdegi ulıwma orta bilim beriw mektepleri hám Pedagogikalıq oraylarında xızmet kórsetpekte. Sonday-ak usı jıldıń 15-sentyabr kúni Qaraqalpaqstan Respublikası pedagoglardı jańa metodikalarǵa úyretiw milliy orayına A.I.Gercen atındaǵı Rossiya Mámleketlik Universitetiniń «Rus tilin intensiv oqıtıw» kafedrasınıń oqıtıwshısı Tulenova Olga Valerivna «ZOR» («KLASS)» dástúri boyınsha tıńlawshılarǵa rus tilin tereń úyretiw ushın xızmet saparı menen keldi.
