2023-jılı 28-avgust kúni Ózbekstan Respublikası Prezidenti Shavkat Mirziyoevtiń basshılıǵında jańa oqıw jılı aldında mektep bilimlendiriwindegi máselelerdi dodalaw hám tiykarǵı wazıypalardı belgilep alıw boyınsha videoselektor májilisiniń 28-bayanlamasınıń 23.2 bántinde berilgen wazıypalardı orınlaw maqsetinde Qubla Afrika Respublikasınan Montsi Mokete Richard Qaraqalpaqstan Respublikası pedagoglardı jańa metodikalarǵa úyretiw milliy oray direktorına másláhátshi etip tayınlanǵan edi. Montsi Mokete Richard Pedagogikalıq oraydıń professor-oqıtıwshıları menen ushırasıp, bilimlendiriw tarawın rawajlandırıwǵa baylanıslı óz tájriybesi menen bólisti. Ushırasıwda oqıwshılarda erkin hám kreativ pikirlewdi, jámiyetshilik penen islesiw hám qarım-qatnas kónlikpelerin qáliplestiriw boyınsha óziniń prezentaciyası qatnasıwshılardıń qızıǵıwshılıǵın oyattı. 
Bunnan soń shet eldegi yagnıy Kembridj bilimlendiriw sisteması haqqında keń túrde maǵlıwmat berdi. Oqıtıwshılardıń ózleriniń qánigeligin arttırıw boyınsha, shet eldegi qánigelik arttırıw kursları menen jergilikli qánigelik arttırıw kursları haqkında salıstırmalı maǵlıwmat berdi. 
Toparlarda islew metodınıń házirgi kúnde júdá áhmiyetli ekenin ámeliy shınıǵıwlar menen túsindirip berdi. Toparlarda jumıs alıp barılǵanda qatnasıwshılar ózleriniń kreativlik kommunikativlik hám birge islesiw kónlikpelerin rawajlandırıw boyınsha maǵlıwmat berip ótti.
DIREKTOR MÁSLÁHÁTSHISI MENEN USHÍRASÍW
Back To Top