Oǵan Pedagogikalıq oraydıń professor-oqıtıwshıları hám Berdaq atındaǵı Qaraqalpaq mámleketlik universitetiniń «Geografiya hám tábiyiy resurslar» fakultetiniń pitkeriwshi student jasları qatnastı. Seminar-treningte Pedagogikalıq oraydıń oqıw hám metodikalıq isler boyınsha orınbasarı I.Pirniyazov shıǵıp sóylep, pitkeriwshi student jaslarǵa elimizde jaslarǵa qaratılıp atırǵan itibar mámleketlik siyasat dárejesinde alıp barılıp atırǵanlıǵın, usı tiykarda olarǵa kóplegen múmkinshilikler, óz qábiletin, talantın hám uqıplılıǵın júzege shıǵarıwǵa úlken sharayatlar jaratılıp berilgenligin atap ótti. Oqıw ornın tamamlaǵannan keyin óz kásibiniń mamanı bolıwdı, elimizdiń rawajlanıwına múnásip úles qosatuǵın kadrlar bolıp jetilisiwine isenim bildirdi. Seminar-treningte studentler ushın Pedagogikalıq oraydıń «Anıq hám tábiyiy pánler metodikası» kafedrasınıń oqıtıwshıları G.Jiemuratova ,Q.Turmanov hám «Metodikalıq xızmet kórsetiw» bóliminiń geografiya páni metodisti J.Ótepbergenov tárepinen zamanagóy metodikalar tiykarında sabaq ótiӯ hám oqıӯshılarda 4K kónlikpelerin raӯajlandırıӯ tuӯralı maǵlıwmatlar berildi.Seminar interaktiv motodlar tiykarında qızǵın dawam etti.
Pedagogikalıq orayda «Ustazlıqqa dáslepki qádem» atamasında seminar-trening bolıp ótti.
Back To Top