Ózbekstannıń Birlesken Milletler Shólkemi UNISEF penen qatnasıqları jedellesip barmaqta. Óz-ara birge islesiwde mámleketimizde bir qatar iri birgeliktegi ilaj hám joybarlar ámelge asırılmaqta.
Qaraqalpaqstanda xalıqtıń, sonıń ishinde balalardıń salamatlıǵın bekkemlewde UNISEF penen birgeliktegi jumıslardıń áhmiyeti ayrıqsha.Taza ishimlik suwı, sanitariya hám gigiena imaratları infrastrukturasın jaqsılaw baǵdarlaması Birlesken Milletler shólkemi menen birgelikte UNISEF basshılıǵında ámelge asırılıp atırǵan Qaraqalpaqstan Respublikası Pedagogikalık sheberlik orayı menen birgelikte «Qaraqalpaqstandaǵı densawlıqtı saqlaw mákemeleri hám mekteplerinde ıqlımǵa shıdamlı baslanǵısh medicinalıq-sanitariya járdemi sisteması hám adamlarǵa baǵdarlanǵan suw, sanitariya hám gigiena ámeliyatı ushın tiykar jaratıw» atamasındaǵı joybar shenberinde ushırasıw ótkerildi.
Ushırasıwda UNISEF shólkeminiń medicina boyınsha keńesgóyi Sh. Umarxodjaev joybar sheńberinde óspirim qızlardı hár tárepleme qollap-quwatlaw, sonıń ishinde, olardıń sapalı tálim-tárbiya alıwında óspirim jastaǵı qızlardıń fiziologiyalık ózgerisler dawirinde bolatuǵın psixologiyalıq jaǵdayın esapqa alıw hám medicinalıq máslahat beriw ushın ótkeriletuǵın seminar-trening modulin jaratıw máseleleri boyınsha pikir alıstı.
