Usı jıldıń 14-oktyabr sánesinde Qaraqalpaqstan Respublikası pedagogikalıq sheberlik orayı májilisler zalında mektepke shekemgi hám bilimlendiriw shólkemleri xızmetkerlerin úzliksiz kásiplik rawajlandırıw baǵdarında alıp barılıp atırǵan reformalar menen tanıstırıw maqsetinde ilaj ótkerildi.
Ilajǵa professor-oqıtıwshılar hám 14-19-oktyabr kúnleri aralıǵındaǵı úzliksiz kásiplik rawajlandırıw kursı tıńlawshıları qatnastı.
Ilaj dawamında Social-ekonomikalq pánler metodikası kafedrası úlken oqıtıwshısı T.Ganiev Ózbekstan Respublikası Prezidentiniń 2024-jıl 21-iyundaǵı «Mektepke shekemgi hám mektep bilimlendiriw shólkemleri xızmetkerlerin úzliksiz kásiplik rawajlandırıw sistemasın jetilistiriw boyınsha qosımsha is-ilajları haqqında»ǵı 231-sanlı Qararınıń mazmun-mánisi hám áhmiyeti haqqında, Metodikalıq xızmet kórsetiw bólimi metodisti J.Utepbergenov hám R.Akimniyazova Ózbekstan Respublikası Mektepke shekemgi hám mektep bilimlendiriw ministriniń 2024-jıl 7-avgusttaǵı «Ulıwma orta bilimlendiriw mákemeleri oqıtıwshıları ushın «Kásiplik Rawajlanıw kúni» hám «Kásiplik Rawajlanıw saatı» ilajların basqıshpa-basqısh engiziw haqqında»ǵı 246-sanlı buyrıǵı, onda belgilengen wazıypalar haqqında túsinikler berdi.
Qatnasıwshılar jańa normativ-huqıqıy hújjetlerde qabıl etilgen ózgerisler boyınsha ózlerin qızıqtırǵan sorawlarǵa juwap aldı.
