2025-jıl 15-16-yanvar kúnleri Qaraqalpaqstan Respublikası Pedagogikalıq sheberlik orayında kásiplik rawajlandiriw kursları ushın “Metodikalıq xızmet kórsetiw bólimi” hám “Anıq hám tábiyiy pánler metodikası” kafedrası tárepinen “ANIQ HÁM TÁBIYIY PÁNLER OQÍTÍWSHÍLARÍNÍŃ PISA IZERTLEWI BOYÍNSHA BILIM HÁM KÓNLIKPLERIN RAWAJLANDÍRÍW” atamasinda oqıw seminar shólkemlestirilmekte.
Oqıw seminarda Pedagogikalıq oraydıń Kásiplik rawajlandırıw boyınsha direktor orınbasarı, B.Iztileuov «Úzliksiz bilimlendiriw sistemsındaǵı jańa innovaciyalar» “Anıq hám tábiyiy pánler metodikası” kafedrası baslıǵı, Q.Turmanov, «Xalıqaralıq bahalaw baǵdarlamalarına nátiyjeli qatnasıw tálim sapasın asırıwdıń áhmiyetli faktorı», “Metodikalıq xızmet kórsetiw” bólimi matematika páni metodisti, A.Bayniyazov, «Cerebry.co platformasında islew» temaları boyınsha keń túrde maǵlıwmatlar berdi.
PISA tájiriybesi (Programme for International Student Assessment) –Ekonomikalıq birge islesiw hám rawajlanıw shólkemi EBIRSh (OECD – Organisation for Economic Cooperation and Development) tárepinen ámelge asırılatuǵın baǵdarlama.
Tájiriybe birinshi márte 2000-jılda ótkerilgen bolıp, hár úsh jıNáwbettegi tájiriybe 2025-jılda ótkeriliwi rejelestirilgen.
PISA – oqıwshılardıń oqıw (tekstti túsiniw), matematika hám tábiiy pánlerden bilim dárejelerin bahalawǵa qaratılǵan xalıqaralıq baǵdarlama bolıp, oqıwshılardıń mektep dáwirinde arttırǵan bilim kónlikpelerin anıqlawǵa tiykarlanadı.
PISA – dúnya mámleketleri oqıw baǵdarlamalarında bar bolǵan talaplar sheńberinde xalıqaralıq bahalaw baǵdarlamasın ótkeriwge tiykarlanıp, oqıwshılardıń bilim hám kónlikpelerin qollaw, pikirlew hám pikirin bayanlaw sheberligi (muloqat qilish) qábiletlerine itibar qaratadı.
PISA hesh qanday oqıw baǵdarlamasın belgilemeydi yaki úgit-násiyat jumısların alıp barmaydı yaki itibar qılıwdı talap etpeydi.
PISA tájiriybesi tómendegi ózine tán belgilerine iye:
bilimlendiriw tarawındaǵı eń úlken, keń kólemli xalıqaralıq monitoring tájiriybelerinen biri bolıp esaplanadı;
tájiriybede ulıwma orta bilim beriw mákemelerinde bilim alıp atırǵan 15 jaslı oqıwshılar qatnasadı;
tájiriybede oqıwshılardıń “Ómirge tayarlıq” dárejesi, yaǵnıy olardıń mektepte iyelegen bilim hám kónlikpelerinen keleshek ómirde ushırasıwı múmkin bolǵan mashqalalardı sheshiwde qay dárejede paydalana alıwları bahalanadı;
tájiriybede oqıwshılardıń matematika, oqıw sawatlılıǵı (tekstti túsiniw dárejesi), tábiiy baǵdardaǵı hám global mashqalalardı sheshiw tarawındaǵı funkcionallıq sawatlılıǵın bahalaydı;
tájiriybede qatnasatuǵın mámleketler bilimlendiriw sistemasınıń ózine tánligi boyınsha maǵlıwmatlar alıw imkaniyatın beretuǵın kontekst maǵlıwmat toplanadı.
Oqıw seminarda matematikalıq, oqıw hám tábiyiy ilimiy sawatlılıq baǵdarları boyınsha sekciyalarda seminar dawam ettirildi, onda 150 den artıq tıńlawshılar qatnastı.
Sekciya jumıslarında xalıqaralıq bahalaw baģdarlamasında mektep oqıwshılarınıń qatnası, baģdarlamalar sheńberindegi úlgi tapsırmalardan mısallar hám cerebry.co platformasınan paydalanıw boyınsha ámeliy kórsetpeler berilip jáne bir mártebe qatnasıwshılardıń bilim hám kónlikpeleri bekkemlendi.
