Ózbekstan Respublikası Prezidentiniń 152-sanlı Pármanı hám Mektepke shekemgi hám mektep bilimlendiriwi ministriniń 362-sanlı buyrıǵınıń orınlanıwın támiyinlew maqsetinde 2025-jıl 4-fevral kúni Qaraqalpaqstan Respublikasındaǵı 25 tayanısh mektepke shekemgi bilimlendiriw shólkemlerinde jetekshi pedagoglar (direktor orınbasarları) qatnasıwında “Metodikalıq sheberlik kúni” ilajları ótkerilmekte.
Metodikalıq sheberlik kúnleri yanvar-may ayları dawamında belgilengen hápteniń sárshembi kúnlerinde trener-mentorlar tárepinen mektepke shekemgi bilimlendiriw shólkemleri direktor orınbasarlarınıń kásiplik sheberligin arttırıw ushın maqsetli tayarlaw boyınsha seminar, trening, sheberlik sabaqları hám erkin bilimlendiriw ilajları ótkerilip barılıwı rejelestirilgen.
“Metodikalıq sheberlik kúni” oqıw baǵdarlamasınıń hár bir temalarında balalardı rawajlandırıwshı 5 taraw qamtıp alınıp, oqıw baǵdarlaması tiykarında temaǵa sáykes interaktiv shınıǵıwlardı orınlaw, didaktikalıq materiallardı qollanıw texnologiyaları, temaǵa sáykes oyınlardı ótkeriw metodikaları, balalar ushın qosıq hám qosıqlar qatnasıwshılarǵa úyretip barıladı.
