Pedagogikalıq sheberlik orayında jańa sistema tiykarında shólkemlestirilgen aprel ayı qánigeligin arttırıw kurslarınıń ashılıw ilajı bolıp ótti.
Ózbekstan Respublikası Prezidentiniń 2024-jıl 21-iyundaǵı «Mektepke shekemgi hám mektep bilimlendiriw shólkemleri xızmetkerlerin úzliksiz kásiplik rawajlandırıw sistemasın jetilistiriw boyınsha qosımsha is-ilajları haqqında»ǵı 231-sanlı hám Ministrler Kabinetiniń 2024-jıl 20-dekabrdegi “Mektepke shekemgi hám mektep bilimlendiriwi xızmetkerlerin úzliksiz kásiplik rawajlandırıw sistemasın jetilistiriw haqqında”ǵı 867-sanlı qararlarına tiykarlanıp mámleketimizde mektepke shekemgi hám mektep bilimlendiriwi shólkemleriniń basshı, pedagog hám qánige kadrların qayta tayarlaw hám mamanlıǵın arttırıwdıń úzliksiz sisteması jolǵa qoyıldı.
Ilajda Qaraqalpaqstan Respublikası Pedagogikalıq sheberlik orayı direktorınıń Akademiyalıq iskerlik boyınsha orınbasarı Amirxan Qaypnazarov shıǵıp sóylep, tıńlawshılarǵa úzliksiz kásiplik rawajlandırıw baǵdarında alıp barılıp atırǵan reformalar menen tanıstırdı.
Kurs dawamında tıńlawshılar pedagogikalıq jańalıqlar hám zamanagóy metodikalarǵa iye boladı. 
