❗️Usı jıldıń 25-30-aprel kúnleri Qaraqalpaqstan Respublikası Pedagogikalıq sheberlik orayı baslaması menen «XXI ásir mektep direktorı: strategiyalıq jetekshilik hám innovaciyalıq qatnas» atamasında seminar-trening shólkemlestirilmekte.
▶️Búgin 25-aprel kúni usı seminardıń dáslepki kúngi jumısları baslandı.
📌Onda Qaraqalpaqstan Respublikası Mektepke shekemgi hám mektep bilimlendiriw ministri G.Kojabaeva, Pedagogikalıq sheberlik orayı direktorı V.Djoldasbaevalar sózge shıǵıp, direktorlardıń kásiplik rawajlanıw proceslerin durıs shólkemlestiriw, monitoring qılıw, xalıq aralıq sertifikatlarǵa tayarlanıw múmkinshiliklerin jaratıw hám ustazlarda XXI-ásir kompetenciyaların rawajlandırıw boyınsha potencialın asırıw búgingi kúnniń talabı ekenligin aytıp ótti.
📚 Trening 4 modul tiykarında alıp barıladı:
✔️ 1-modul: Normativ-huqıqıy tiykarlar hám shólkemlestiriw bólimi
Direktorlar “Kásiplik rawajlanıw kúni” hám “Kásiplik rawajlanıw saatı”nıń yuridikalıq tiykarları, kásiplik rawajlanıw koordinatorınıń wazıypaları hám monıtorıng formaları menen tanısadı.
✔️2-modul: XXI ásir ustazları hám liderleri
Zamanagóy liderlik kompetenciyaları, ózgerislerge iykemlesiw, topardıń ishki motivaciyasın asırıw boyınsha strategiyalar talqılanadı.
✔️ 3-modul: Ustazlar qalayınsha kásiplik rawajlanadı?
Ustazlardıń kásiplik rawajlanıw jolları, monıtorıng qılıw usılları hám ámeliyattı mektepte qóllanıwǵa tiyisli usıllar kórip shıǵıladı.
✔️ 4-modul: “Global ustaz – global mektep”
Xalıqaralıq sertifikatlar (Google Educator, Microsoft Certified Educator, Cambridge TKT hám b.) haqqında maǵlıwmat berilip, olardı mektep ámeliyatına engiziw jolları kórsetiledi.
✨Bul seminar-treningke Qaraqalpaqstan Respublikası boyınsha jámi 727 mektep direktorı qamtıp alınadı hám olardıń kásiplik rawajlanıwına, sonday-aq, mekteplerde innovaciyalıq ortalıqtıń jaratılıwına úles qosadı.
☄️Seminar-trening jumısları dawam etpekte.
