Pedagogikalıq sheberlik orayı “Anıq hám tábiyıy pánler metodikası kafedrası tárepinen 17-may – Pútkil jer júzilik telekommunikaciya hám informaciya jámiyeti kúnine baǵıshlanǵan “Eń jas baǵdarlamashı” atamasında tańlaw shólkemlestirildi.
Tańlaw informatika hám IT baǵdarındaǵı oqıtıwshılar ushın shólkemlestirilip, tıńlawshılar ózleriniń tereń bilimleri, kreativ kózqarası hám programmalastırıwǵa bolǵan haqıyqıy qızıǵıwshılıǵın kórsetti.
Tańlaw dawamında:
Innovaciyalıq baǵdarlamalar prezentaciyası – tıńlawshılar óz miynet ónimin janlı túrde kórsetti;
“Programmalastırıw tilleri hám olardıń tariyxı” viktorinası – bilim hám tezlik jarısı boldı;
“Meniń mektebim” veb-sayt joybarları – mektep turmısın sanlı dúnyada sáwlelendiriwge urınıwlar;
“ROBOT BATTLE” saxna kórinisi – texnologiya hám teatr sintezi, haqıyqıy shou kórinisinde!
Sonıń menen birge, tıńlawshılarǵa Pútkil jer júzilik telekommunikaciya hám málimleme jámiyeti kúni haqqında arnawlı tayarlanǵan videorolikler de kórsetildi.
Tańlaw qatnasıwshılarda tek ǵana programmalastırıwǵa emes, al sanlı texnologiyalar hám innovaciyalarǵa bolǵan qızıǵıwshılıqtı arttırdı. Hár bir qatnasıwshı óziniń ishki “Jas Programmist”in oylap taptı!
