#Tıńlawshı_pikiri
2025-jıl may ayında men Qaraqalpaqstan Respublikası pedagogikalıq sheberlik orayında matematika páninen óz qánigeligim boyınsha qánigeligimdi arttırıw kursında qatnastım. Kurs dawamında zamanagóy bilimlendiriw texnologiyaları, innovaciyalıq qatnaslar, pánleraralıq integraciya hám interaktiv oqıtıw metodları boyınsha teoriyalıq hám ámeliy bilimlerge iye boldım.
Sabaqlar tájiriybeli professor-oqıtıwshılar tárepinen alıp barıldı hám hár bir sabaq oqıwshılarda logikalıq hám erkin pikirlewdi qáliplestiriw, matematikalıq túsiniklerdi turmıslıq mısallar arqalı ańsat hám túsinikli túrde jetkeriwge qaratıldı. Ásirese, bilimlendiriw procesinde sanlı texnologiyalar hám zamanagóy pedagogikalıq qurallardan paydalanıw boyınsha berilgen ámeliy sabaqlar men ushın júdá paydalı boldı.
Oray professor-oqıtıwshıları tárepinen usınılǵan metodikalıq usınıslar, sabaqlardı jobalastırıw hám bahalawdıń nátiyjeli usılları meniń kásiplik sheberligimdi jańa basqıshqa alıp shıqtı. Kurs juwmaǵında ótkerilgen juwmaqlawshı test sınaǵınan tabıslı ótip, joqarı ball topladım.
Endi, usı kursta arttırǵan bilim hám tájiriybelerimdi oqıw procesinde qollanıp, bilimlendiriwdiń sapasın arttırıwǵa, oqıwshılardıń matematika páni boyınsha tereń hám bekkem bilimge iye bolıwına óz úlesimdi qosaman. Azimova Maysa, Matematika páni tıńlawshısı
