Ózbekstan Respublikası Prezidentiniń “Mektepke shekemgi hám mektep bilimlendiriw shólkemleri xızmetkerlerin úzliksiz kásiplik rawajlandırıw sistemasın jetilistiriw boyınsha qosımsha is-ilajlar haqqında”ǵı PQ-231-sanlı Qararı tiykarında elimizde bilimlendiriw sistemasınıń barlıq buwınlarında izbe-iz reformalar ámelge asırılmaqta.
Usı qarar sheńberinde pedagoglardıń kásiplik potencialın arttırıw, olardıń mamanlıǵın zaman talapları tiykarında jańalaw hám innovaciyalıq qatnaslardı engiziw maqsetinde Qaraqalpaqstan Respublikası pedagogikalıq sheberlik orayında iyun ayınıń qánigelik arttırıw kursları baslandı.
Kurs dawamında tıńlawshılar: zamanagóy sabaq procesin shólkemlestiriw; interaktiv hám innovaciyalıq sabaq usılların qollanıw; zamanagóy sanlı platformalarda nátiyjeli islew kónlikpelerin qáliplestiriw; hár bir oqıwshınıń jeke qızıǵıwshılıǵı menen individual psixologiyalıq ózgesheliklerine sáykes jantasıwlardı úyreniw boyınsha kásiplik sheberligin arttıradı. Bul qánigelik arttırıw kursları pedagoglar tárepinen ámeliy kónlikpelerdi rawajlandırıw, aldınǵı tájiriybelerdi ózlestiriw hám bilimlendiriw procesiniń sapasın arttırıwǵa xızmet etetuǵın zamanagóy kózqaraslardı iyelew imkaniyatın beredi.
