#Ashıq_sabaq
“Social-ekonomikalıq pánler metodikası” kafedrasınıń aǵa oqıtıwshısı Temirbay Ǵaniev tárepinen oqıw procesin ele de jetilistiriw, oqıtıwshılardıń huqıqıy bilimlerin tereńlestiriw maqsetinde Ximiya páni tıńlawshıları kursında “Bilimlendiriwdegi normativlik-huqıqıy hújjetlerdi biliw hám kásiplik jumısta qollanıw” temasında ashıq sabaq ótkerildi.
Sabaq dawamında qatnasıwshılarǵa tómendegi baǵdarlarda túsinikler berildi:
Bilimlendiriw sistemasındaǵı tiykarģı normativlik-huqiqiy hújjetler (Ózbekstan Respublikası nizamları, Prezident Pármanları, qararlar hám basqa normativ hújjetler);
Olardıń pedagogikalıq xizmettegi áhmiyeti hám ámeliyatta qollanılıwı;
Oqıtıwshınıń kásiplik etikası hám huqiqiy juwapkershiligi.
Ashıq sabaq interaktiv metodlar tiykarında shólkemlestirilip, oqıtıwshılar temaǵa baylanıslı real jaǵdaylarda qarar qabıl etiw, huqıqıy hújjetlerden paydalanıw kónlikpelerin bekkemledi.
Bunday sabaqlar oqıtıwshılardıń tek ǵana teoriyalıq bilimlerin arttırıw emes, al olardı ámeliyatqa engiziwde de úlken áhmietke iye.
