Bilimlendiriwde zamanagóy innovaciyalıq qatnaslardı engiziw maqsetinde Pedagogikalıq sheberlik orayında “Robototexnika” oqıw kursı sheńberinde ámeliy seminar shólkemlestirildi. Bul seminar Metodikalıq xizmet kórsetiw bólimi metodisti M. Palwanova tárepinen alıp barılmaqta. 
Seminardıń tiykarǵı maqseti – pedagog kadrlardıń robototexnika boyınsha bilim hám kónlikpelerin arttırıw, oqıw procesinde málimleme texnologiyalarınan nátiyjeli paydalanıwdı jolǵa qoyıwdan ibarat. 
Qatnasıwshılarǵa robotlardı dúziw, programmalastırıw hám basqarıw boyınsha ámeliy shınıǵıwlar usınıs etilmekte. Ilaj barlıq qatnasıwshılarda úlken qızıǵıwshılıq oyatpaqta hám olardıń kásiplik rawajlanıwına úles qospaqta.
