Qaraqalpaqstan Respublikası Pedagogikalıq sheberlik orayında Ózbekstan Respublikası Ǵárezsizliginiń 34 jıllıǵı múnásibeti menen saltanatlı bayram ilajı hám “OPENING DAY” ashılıw keshesi bolıp ótti. Ilajda Pedagogikalıq sheberlik orayınıń direktorı V.Bekmuratova shıǵıp sóylep, barlıq qatnasıwshılardı mámleketimizdiń eń ullı, eń áziz bayramı – Ózbekstan Respublikası Ǵárezsizliginiń 34 jıllıǵı menen qızǵın qutlıqladı. Sonday-aq, Ózbekstan Respublikası Prezidentiniń 2024-jıl 21-iyundaǵı «Mektepke shekemgi hám mektep bilimlendiriw mákemeleri xızmetkerlerin úzliksiz kásiplik rawajlandırıw sistemasın jetilistiriw boyınsha qosımsha is-ilajlar haqqında»ǵı 231-sanlı qararınıń mazmunı hám áhmiyeti, Ózbekstan Respublikası Mektepke shekemgi hám mektep bilimlendiriwi ministriniń 2024-jıl 7-avgusttaǵı «Ulıwma orta bilimlendiriw mákemeleri oqıtıwshıları ushın «Kásiplik rawajlanıw kúni» hám «Kásiplik rawajlanıw saatı» ilajların basqıshpa-basqısh engiziw haqqında»ǵı 246-sanlı buyrıǵında belgilengen wazıypalar haqqında maǵlıwmat berdi. Ilaj sheńberinde qatnasıwshılarǵa pedagog xızmetkerlerdiń kásiplik potencialın arttırıw, innovaciyalıq kózqaraslar tiykarında olardıń qánigeligin turaqlı rawajlandırıw boyınsha ámelge asırılıp atırǵan jumıslar, sonday-aq, Oraydıń jumısında názerde tutılǵan perspektivalı rejeler haqqında da maǵlıwmatlar berildi. 
Oqıw jılınıń baslanıwı – sheberlik jolındaǵı jańa shekler
Back To Top