Jańa oqıw jılınıń birinshi kúni Ózbekstan Respublikası ǵárezsizliginiń 34 jıllıǵı múnásibeti menen “Watan ushın, millet ushın, xalıq ushın” súreni astında “Keleshek saatı” sabaqları shólkemlestirildi.
Bul sabaqlarda oqıtıwshılarǵa mámleketimizdiń rawajlanıw jolındaǵı tiykarǵı wazıypalar, bilimlendiriw tarawına qaratılıp atırǵan itibar hám Ózbekstan Respublikasınıń rawajlanıw strategiyası haqqında hár tárepleme túsinikler berildi.
“Keleshek saatı” sabaqları jaslardıń bilim hám kózqarasın keńeytiw, olarda Watanǵa sadıqlıq, millet hám xalıq aldındaǵı juwapkershilik sezimin bekkemlewge xızmet etti.
