“Metodikalıq sheberlik kúni” hám “Metodikalıq sheberlik saatı” ilajlarına start berildi

Mektepke shekemgi hám mektep bilimlendiriwi ministriniń 2025-jıl 2-sentyabrdegi 329-sanlı buyrıǵı tiykarında 2025-2026-oqıw jılında mektepke shekemgi bilimlendiriw shólkemlerinde metodikalıq jumıstı jańa basqıshqa alıp shıǵıwǵa qaratılǵan ilajlar baslandı. 2025-jıl 8-10-sentyabr kúnleri Tashkent qalasında jaylasqan Mektepke shekemgi bilimlendiriw shólkemleri direktorları hám qánigelerin qayta tayarlaw hám qánigeligin arttırıw institutında “Metodikalıq sheberlik kúni” hám “Metodikalıq sheberlik saatı” ilajları ótkerilmekte. Ilajda dáslepki jıllarda matematika, kognitiv rawajlanıwdı qollap-quwatlaw metodları, tábiyat hám jámiyet teması arqalı qorshaǵan ortalıqtı ańlaw, til hám sóylesiw kónlikpelerin rawajlandırıwda innovaciyalıq qatnaslar sıyaqlı temalar dodalanbaqta. Pedagogikalıq sheberlik orayınıń aǵa oqıtıwshısı Gulzar Baytileuova óziniń ámeliy tájiriybesi hám usınısları menen qatnaspaqta. Maǵlıwmat ushın: metodikalıq ilajlar respublika boylap basqıshpa-basqısh ótkeriliwi rejelestirilgen.