Qaraqalpaqstan Respublikasında 2025-2026-oqıw jılınan baslap 156 ulıwma orta bilim beriw mekteplerinde oqıtıw hám bilimin bahalawdıń jańa tártibi engizilmekte. Bul processti nátiyjeli ámelge asırıw hám oqıtıwshılarǵa ámeliy hám metodikalıq járdem kórsetiw maqsetinde Pedagogikalıq sheberlik orayı tárepinen pán metodistleri biriktirildi.
Usı múnásibet penen Qaraqalpaqstan Respublikası Pedagogikalıq sheberlik orayınıń Metodikalıq xızmet kórsetiw bólimi metodistleri tárepinen “Kriteriylerge tiykarlanǵan jańa bahalawdıń abzallıqları” atamasında seminar shólkemlestirildi.
Seminarda ulıwma bilim beriw mektepleriniń basshıları hám oqıtıwshıları qatnasıp, olardı qızıqtırǵan sorawlarǵa tolıq juwaplar berildi hám zárúr metodikalıq usınıslar berildi.
Ilaj dawamında tómendegi máseleler keń túrde dodalandı:
jańa bahalaw sistemasınıń mazmun-mánisi hám abzallıqları;
oqıwshılardıń bilimin qalıs bahalaw mexanizmleri;
bahalaw procesinde oqıtıwshı hám oqıwshı arasında nátiyjeli baylanıstı támiyinlew usılları.
Seminar juwmaǵında qatnasıwshılarǵa ámeliy usınıslar berilip, kriteriyalarǵa tiykarlanǵan bahalawdı bilimlendiriw procesine nátiyjeli engiziw boyınsha anıq baǵdarlar belgilep alındı.
