Usı ilajlar sheńberinde Pedagogikalıq sheberlik orayında 11 pán baǵdarı boyınsha master-trenerler tárepinen mentor-trenerlerdi tayarlawǵa qaratılǵan trening sabaqları shólkemlestirildi. Treninglerde oqıw nátiyjelerin jaqsılawǵa xızmet etetuǵın nátiyjeli bahalaw hám pikir-usınıs beriw mádeniyatı, joybarǵa tiykarlanǵan bilimlendiriw texnologiyaları, jeke hám kásiplik rawajlanıw maqsetleri jáne bala qáwipsizligi boyınsha teoriyalıq hám ámeliy temalar sáwlelendirilmekte. Ilajlardıń maqseti – pedagoglardıń kásiplik rawajlanıwın qollap-quwatlaw, bilimlendiriw procesine zamanagóy metodlardı sińdiriw hám mentor-trenerler arqalı oqıwshılarǵa sapalı bilim beriwden ibarat. Qaraqalpaqstan Respublikası ulıwma orta bilim beriw mekteplerinen jámi 270 mentor-oqıtıwshı usı processke qamtıp alındı.
