Ózbekstan hám Ázerbayjan arasındaǵı bilimlendiriw tarawındaǵı birge islesiwdi bekkemlew maqsetinde, 2025-jıl 23-30-noyabr kúnleri Ázerbayjan Mámleketlik pedagogikalıq universiteti Guba filialında “Inklyuziv tálim hám STEAM texnologiyaları: xalıqaralıq tájiriybe hám aldınǵı bilimlendiriw modelleri” temasında xalıqaralıq tájiriybe arttırıw kursları shólkemlestirildi. Bul xalıqaralıq oqıw baǵdarlamasında Qaraqalpaqstan Respublikası Pedagogikalıq sheberlik orayınıń professor-oqıtıwshıları – Anıq hám tábiyıy pánler metodikası kafedrasınıń aǵa oqıtıwshıları Gulxan Jiemuratova hám Dilfuza Kutlımuratovalar belsene qatnaspaqta.
Sapar dawamında oqıtıwshılar zamanagóy pedagogikalıq texnologiyalar, innovaciyalıq metodikalar, oqıw procesin jetilistiriw boyınsha tájiriybe almasıw, seminar hám ámeliy sabaqlarda qatnasıw arqalı kásiplik kompetenciyaların jáne de rawajlandırmaqta.
