Búgin Qaraqalpaqstan Respublikası Pedagogikalıq sheberlik orayında 2026-jıl fevral ayı tıńlawshıları ushın oqıw sabaqları baslandı.
Kurslardıń dáslepki kúninde professor-oqıtıwshılar tárepinen tıńlawshılarǵa: qánigelik arttırıw kurslarınıń maqset hám wazıypaları; oqıw procesinde shólkemlestiriletuǵın oqıw hám metodikalıq jumıslar; oqıw procesine say motivaciyalıq shınıǵıwlar boyınsha tolıq maǵlıwmatlar berildi.
Usı ayda Orayda shólkemlestirilgen 37 toparda 100 saatlıq qánigeligin arttırıw kurslarında jámi 1015 pedagog xızmetker qatnaspaqta.
Bul kurslar 23 baǵdar boyınsha shólkemlestirilgen bolıp, qatnasıwshılardıń kásiplik bilimleri, tájiriybeleri hám ámeliy kónlikpelerin jáne de rawajlandırıwǵa qaratılǵan.
