Qaraqalpaqstanlı pedagoglar ushın shólkemlestirilgen xalıqaralıq qánigelik arttırıw baǵdarlaması innovaciyalıq hám kreativ kózqarası menen ajıralıp turadı. Bul pedagoglarǵa teoriyalıq bilimlerdi ámeliyat penen úylestiriw, zamanagóy pedagogikalıq texnologiyalardı tikkeley bilimlendiriw procesine engiziw kónlikpelerin bekkemlew imkaniyatın beredi.
Sonday-aq, baǵdarlama sheńberinde Aix-en-Provence institutı menen birgelikte seminar-treningler, sheberlik sabaqları hám tájiriybe almasıw ushırasıwları ótkerilmekte.
Onda Qaraqalpaqstan Respublikası Pedagogikalıq sheberlik orayınıń wákilleri – direktor orınbasarı Baymurat Iztileuov hám kafedra baslıǵı Rauaj Bauetdinovlar da belsene qatnasıp, aymaqlıq bilimlendiriw sistemasında ámelge asırılıp atırǵan reformalar haqqında prezentaciyalar ótkermekte.
