Aziz yurtdoshlar, hurmatli ustozlar! Sizlarni 21-oktabr — O‘zbek tili bayrami bilan chin qalbimdan samimiy muborakbod etaman! Ona tili — milliy o‘zligimiz, tariximiz va ma’naviyatimiz timsoli. Uni asrab-avaylash, boyitish va kelajak avlodga yetkazish har birimizning sharafli burchimizdir. Ayniqsa, ustozlarga yosh avlod qalbida ona tiliga mehr va hurmat tuyg‘ularini shakllantirishdek muhim vazifa yuklanadi. Ushbu qutlug‘ bayram munosabati bilan barcha ustozlarga mustahkam sog‘lik, mas’uliyatli faoliyatingizda ulkan muvaffaqiyatlar tilayman. Ona tilimizning nufuzi yanada yuksalib, milliy g‘ururimiz va faxrimiz sifatida mangu yashayversin! Hurmat bilan, Kojabaeva Gulistan Talasbaevna Qoraqalpog‘iston Respublikasi Pedagogik mahorat markazi direktori.
21-OKTABR — O‘ZBEK TILI BAYRAMI MUBORAK!
Back To Top